Əlbəttə, keçmişi mmüqəddəsləşdirmək, keçmişə heyranlıq insana xas cəhətdir. Lakin keçmişə münasibətdə pulun meyar kimi götürülməsi, başqa bütün hadisələrin unudulması, puldan savayı başqa meyarın olmaması təəssüf doğurur. Nə vaxtsa Şimali Koreyada sistem çöksə, çox güman orda da keçmiş üçün darıxan nə qədər adam tapılacaq. Hərçənd Şimali Koreyada sistemin çökməsini və orada adamların sistem çökəndən sonra hansı vəziyyətə düşəcəklərini, necə dəhşətli reallıqla qarşılaşacaqlarını təsəvvür etmək olduqca çətindir Sovet hökümətinin dağılmasından nə qədər vaxt keçsə də, Sovet dövrünə qarşı nostalgiya hələ də davam etməkdədir, bəzən bu nostalgiyanın artmasının marneulda şahidi oluruq. Hətta Sovet hökümətini görməyənlərin arasında belə Sovet hökümətini arzulayanlara rast gəlinir..