9 may tarixində Marneulidə və bələdiyyənin kədlərində Böyük Vətən Müharibəsinə həsr olunmuş tədbirlər keçirildi. Bu tədbirlərdən biri də Kürtlər kəndində baş tutdu. Kəndin mərkəzində yerləşən 1941-1945-ci illərdə müharibədə iştirak edən, müharibədə həlak olanlar və itkin düşənlərin abidəsi qarşısında tədbir keçirildi. Tədbirdə məktəb şagirdləri, müəllimlər, kənd sakinləri, qonaqlar və hökümət nümayəndələri iştirak etdilər. Giriş sözünü Kürtlər ictimai məktəbinin müəllimi Məmməcanov Aslan açaraq müharibədə iştirak edən müharibə vetaranlarından və onun acılı xatirələrindən danışdı. Məktəbin tarix müəlliməsi Akuş Qocayeva müharibə və onun tarixi haqqında şagirdlərə məlumat verdi.
Tədbirdə iştirak edən Kürtlər ərazi vahidliyinin nümayəndəsi Bəxtiyar Hüryənov radiomuza onu da bildirdi ki, ərazi vahidliyində olan 2 müharibə vetaranına bələdiyyə tərəfindən hədiyyələr veriləcək.
Tədbir məktəb şagirdlərinin hazırladığı çıxışlar ilə başa çatdı.

Müəllif: Amil Məmmədov