მარნეულში მიხეილ ჯავახიშვილის 135 წლის საიუბილეო ღონისძიება გაიმართა.
მარნეულის მუნიციპალიტეტის თვითმმართველობის ინიციატივით და მხარდაჭერით, მიმდინარე წლის 25 ოქტომბერს 12:00 საათზე, სოფელ წერაქვში გაიმართა გამოჩენილი ქართველი მწერლის მიხეილ ჯავახიშვილის 135 წლის იუბილისადმი მიძღვნილი ღონისძიება.
ღონისძიებას საქართველოს ცენტრალური და ადგილობრივი ხელისუფლების წარმომადგენლები, გამოჩენილი მწერლები, მსახიობები, საზოგადო მოღვაწეები და მწერლის ოჯახის წევრები დაესწრნენ, სადაც კიდევ ერთხელ გაიხსენეს მიხეილ ჯავახიშვილის ცხოვრება და შემოქმედება.

მწერლის იუბილისადმი მიძღვნილ ღონისძებაში მონაწილეობას ადგილობრივრივი შემოქმედებითი ჯგუფები და კოტე მარჯანიშვილის სახელობის თეატრის მსახიობები იღებდნენ, რომლებმაც გააცოცხლეს ჯავახიშვილის გამორჩეული რომანები და ცხოვრების მნიშვნელოვანი ეპიზოდები.

ღონისძიების ფარგლებში წარმოდგენილი იყო მარნეულელი მხატვარის მანუჩარ პაპიძის და ნინო ცარციძის პერსონალური ნამუშევრები , ასევე მარნეულის მუნიციპალიტეტში არსებული კულტურული მემკვიდრეობის ფოტოების გამოფენა.

პარალელურად მოწყობილი და გამოფენილი იყო მიხეილ ჯავახიშვილის ეპოქის დროინდელი სოფლისა და ქალაქის ეთნო-კუთხეები. ამასთანავე, გამომცემლობა „ინტელექტის“ მიერ მოეწყო წიგნების გამოფენა.

აღსანიშნავია, რომ დღესასწაული ჯავახიშვილობა, სოფელ წერაქვში, ტრადიციულად ყოველ წელს აღინიშნებოდა, თუმცა სამწუხაროდ 1991 წლიდან ეს ტრადიცია დავიწყებას მიეცა. წელს კი მარნეულის მუნიციპალიტეტის თვითმმართველობის ინიციატივით ეს დღესასწაული აღდგა.

მარნეულელებს და სრულიად საქართველოს მოსახლეობას მიხეილ ჯავახიშვილის 135 წლის იუბილე საქართველოს კათალიკოს პატრიარქმა უწმინდესმა და უნეტარესმა ბიჭვინთისა  და ცხუმ-აფხაზეთის მიტროპოლიტმა ოფიციალური წერილით მიულოცა.