May ayının 13-ə İstanbulda “Gebze” idman sarayında keçiriləcək görüş öncəsi Bakıya  gedən idmançıya həmyerlilərimiz böyük maraq göstərib.

“Torqovı”da gəzintiyə çıxan Zabitə yüzlərlə insan yaxınlaşıb və onunla şəkil çəkdirmək, imza almaq istəyib. Zabit sadə insan olduğu üçün heç kəsin qəlbini qırmayıb və onu sevənlərlə şəkil çəkdirib. Bir müddətdən sonra o qədər insan Zabitin ətrafına toplaşıb ki, idmançı hərəkət etməkdə çətinlik çəkib.

Azərbaycanı layiqincə təmsil edən Zabitə xalq da lazımi qiymət verir. Bayrağımızı idman arenalarında dalğalandıran Zabitin Bakıda gəzintisi izdihama səbəb olub.

Belçikadan olan idmançı Frederik Sinistra ilə qarşılaşma öncəsi Bakıda hazırlıqlarını davam etdirən idmançı böyük günü gözləyir.