Yerli özünüidarəetmə dedikdə yerli ərazi vahidi əhalisinin (ərazi kollektivinin) və bu əhalini təmsil edən seçkili orqanların yerli əhəmiyyətli məsələlərin həlli üzrə fəaliyyəti başa düşülür.

Bu, ”Bələdiyyələrin statusu haqqında” Gürcüstan Respublikasının qanunvericiliyində göstərilib. Gürcüstan Respublikasında yerli özünüidarə vətəndaşların fəaliyyətinin elə bir qeyri-dövlət sistemidir ki, bu sistem qanun çərçivəsində onlara yerli əhəmiyyətli məsələləri həlletmək imkanı verir. Bu hüququ qanunla müəyyən edilmiş qaydada ümumi, bərabər, birbaşa seçki və gizli səsvermə yolu ilə seçilmiş bələdiyyə üzvlərindən ibarət nümayəndəli kollegial orqanlar (bələdiyyələr) və ya vətəndaşların yığıncaqları həyata keçirirlər.

Marneuli şəhəri isə bu statusu hələ də qazanmayıb. Biz radio olaraq bu məsələnin parlamentdə müzakirəyə çıxarılıb-çıxarılmaması barədə Gürcüstan parlamentinin millət vəkili Ruslan Hacıyevə müraciət etdik. Marneulinin şəhər statusu qazanması gündəlikdə varmı və bunun üçün hansı işlər görülür.

Müəllif: Amil Məmmədov