ეთერშია გადაცემა “ცნობიერება” თემით “საკონსტიტუციო ცვლილებები”.

ჩვენი სტუმარია “ილიას სახელმწიფო უნივერსიტეტის” კონსტიტუციური ცენტრის მკვლევარი  გიორგი მუმლაძე, გადაცემაში მოისმენთ რას ფიქრობენ ადგილობრივები და მარნეულის მაჟორიტარი დეპუტატები კონსტიტუციაში დაგეგემილი ცვილებების შესახებ.

საქართველოს საკონსტიტუციო ცვლილებების შესახებ პარლამენტმა კონსტიტუციის ახალი პროექტი მოამზადა. საქართველოს პრეზიდენტი, პარლამენტის წევრები, პოლიტიკოსები, არასამთავრობო ორგანიზაციები ცვლილელებების თაობაზე მოსახლეობასთან საერთო სახალხო განხილვაზე მსჯელობენ.

23 მაისს საერთო სახალხო განხილვა მარნეულშიც გაიმართება.

პროექტის მიხედვით: საქართველოს პრეზიდენტს ირჩევს საარჩევნო კოლეგია, უქმდება მაჟორიტარული სისტემა, კონსტიტუციით განისაზღვრება ოჯახის დეფინიცია, გენერალურ პროკურორს საქართველოს პარლამენტი ამტკიცებს და მისი არჩევის წესში საპეროკურორო საბჭო აღარ ფიგურირებს, მოსამართლეების წარდგენა-დანიშვნაში პრეზიდენტის უფლებები იზღუდება, ქვეყნის უზენაეს კანონს ემატება მე-11 თავი რომელიც ევროპულ და ევროატლანტიკურ სტრუქტურებში ინტეგრაციას უკავშირდება, პროექტში პარლამენტის ადგილსამყოფელი განსაზღვრული აღარ არის.

პროექტის გაცნობის შემდეგ, პოლიტიკური პარტიები ბოიკოტისთვის ემზადებიან. ამ დრომდე, “ქართული ოცნების” გარდა, პარტიებიდან კომისიაში რჩება “ევროპული საქათველო”, “თავისუფალი დემოკრატები” და “ლეიბორიტული პარტია”.