27 ივნისს “ფონდ ღია საზოგადოება საქართველოს” ოფისში,  ადამიანის უფლებების სწავლებისა და მონიტორინგის ცენტრმა (EMC) აზერბაიჯანიდან დევნილი ჟურნალისტების, სამოქალაქო და პოლიტიკური აქტივისტების საქმეების პირველადი ანგარიშის პრეზენტაცია გამართა. შესწავლილი საქმეები საქართველოში ლტოლვილის სტატუსის და ბინადრობის ნებართვის გაცემაზე უარს, ასევე საქართველოს ტერიტორიაზე მათი სავარაუდო შევიწროებისა და დევნის ფაქტებს უკავშირდება. ამ საკითხზე კომენტარი ადამიანის სწავლებისა და მონიტირინგის ცენტრის წარმომადგენელმა ქეთი ჩუთლაშვილმა გააკეთა.

ქეთი ჩუბლაშვილი აღნიშნავს, რომ საქართველოში მყოფი აზერბაიჯანელი ჟურნალისტების, სამოქალაქო და პოლიტიკური აქტივისტების საქმეებში ფიგურირებს აზერბაიჯანის სახელმწიფოდან მათი სავარაუდო დევნისა და შევიწროების ფაქტები, რასაც სათანაოდ არ იძიებს საქართველოს სამართალდამცავი ორგანოები.

ადამიანის უფლებების სწავლებისა და მონიტორინგის ცენტრმა სულ ექვსი საქართველოში მყოფი აზერბაიჯანელი ჟურნალისტების, სამოქალაქო და პოლიტიკური აქტივისტების საქმე შეისწავლა, მათ მოკლვევა აზერბაიჯანელი ჟურნალისტის აფგან მუხტარლი გატაცებამდე რამდენიმე დღით ადრე დაიწყეს.