Tbilisi meriası vahid milli imtahanlarla bağlı iyulun 3-dən 27-ə kimi xüsusi müvəqqəti marşrut təyin edəcək
Tbilisi meriası vahid milli imtahanlarla bağlı iyulun 3-dən 27-ə kimi, 27-si də daxil olmaqla 4 xüsusi müvəqqəti marşrut təyin edəcək. Avtobuslar sərnişinlərə standart tariflə – 50 tetriyə xidmət göstərəcəklər. Müvəqqəti marşrutlarda munisipal nəqliyyat aşağıdakı sxemlə hərəkət edəcək:
-Metro “Axmeteli teatrı” – 175 saylı ictimai məktəb. Qobronidze küçəsindən hərəkətə başlayacaq, Dumbadze prospektinə dönəcək və sərnişinləri Muxiani 3-cü mikro rayonuna, 175 saylı ictimai məktəbə aparacaq. Avtobus əks istiqamətdə də eyni marşrutu keçəcək.
– Metro “Axmeteli teatrı” -39, 173 və 177 saylı ictimai məktəblər. Xizanişvili küçəsindən hərəkətə başlayacaq, sağa, Naneişvili küçəsinə dönəcək, 39 və 173 saylı ictimai məktəbləri keçəcək və Kecxoveli küçəsi ilə 177 saylı ictimai məktəbə gedəcək. Avtobus “Axmeteli” metrosuna Naneişvilo və Bocorişvilo küçələrini keçməklə qayıdacaq.
– Metro “Varketili” – 177 saylı ictimai məktəb. Avtobus Cavaxeti küçəsindən keçəcək, “Varketili körpüsü”nə qədər qayıdacaq, sağa, Şuamta küçəsinə dönəcək və hərəkətini 117 saylı ictimai məktəbdə başa vuracaq. Əks istiqamətdə isə Şuamta, Kaloubani və Cavaxeti küçələrini keçməklə yenidən “Varketili”yə qayıdacaq.
0 Comments