პროექტის ფარგლებში გადაიხურება შენობა, ოთახებში ხის კარ-ფანჯრები შეიცვლება მეტალოპლასტმასის კარ-ფანჯრებით, ხოლო შენობის ორივე სართულზე მოეწყობა შესასვლელი ნახევრად შემინული რკინის კარი, იატაკი მოპირკეთდება კერამიკული ფილებითა და ლამინირებული პარკეტით მთლიანად შენობაში ახლიდან მოეწყობა ელექტრო გაყვანილობა.

რაც შეეხება შენობის გარე პერიმეტრს კერძოდ კი ეზოს, პროექტის ფარგლებში ტერიტორია გასუფთავდება, დაგეგმილია წვიმის წყლის აცილების მიზნით შენობის გარშემო ზედმეტი გრუნტის მოთხრა გატანა, ტერიტორიის შემოღობვა და სავალი ბილიკების მოწყობა. ასევე, ეზოში გათვალისწინებულია ორგანყოფილებიანი სველი წერტილის მოწყობა.

შეგახსენებთ, პროექტი „სამოქალაქო ბიუჯეტის“ ფარგლებშია დაფინანსებული, რომელიც წარმოადგინა თათია შენგელაიამ. საგანმანთლებლო ცენტრის მიზანი ახალგაზრდებისთვის არაფორმალური განათლების ხელმისაწვდომობაა. ცენტრი მრავალპროფილური იქნება, იფუნქციონირებს სხვადასხვა საგანმანათლებლო პროგრამები და დაფუძნდება „სამწერლო სკოლა“. საგანმანათლებლო ცენტრი სოფელში მცხოვრებ ახალგაზრდებსა და სკოლის მოსწავლეებს მოემსახურება.