Yeni tədris ilində, birinci sinif şagirdləri hədiyyə olaraq “Acer” firmasının portativ kompüterlərini əldə edəcəklər. Gürcüstanın Elm və Təhsil Nazirliyinə, Tədris və Elmi İnfrastrukturun İnkişafı Agentliyindən bildiriblər ki, Gürcüstan miqyasında, 15 sentyabrda bütün ictimai məktəblərin birinci sinif şagirdlərinə portativ kompüterlər hədiyyə veriləcək.

Cari ildə ictimai məktəblərdə təqribən 50 300 birinci sinif şagirdi qeydiyyatdan keçib, onlara Acer TravelMate B117  Notebook PC hədiyyə veriləcək.

Portativ kömpüterlər eləcə də birinci sinif rəhbərlərinə də veriləcək. Cari ildə nazirlik ümumilikdə 53 700 portativ kömpüter əldə edib.

Mənbə: ipn.ge