შსს-ს ატაშე საქართველოს საელჩო აზერბაიჯანში,  თეიმურაზ აბასოვი პარტია “ქართულმა ცონებამ” მარნეულში მერობის კანდიდატად დაასახელა. ეს ინფორმაცია პარტია “ქართული ოცნების” პრესსამსახურმა დაგვიდასტურა.

თეიმურაზ აბასოვი შინაგან საქმეთა სამინისტროს თანამშრომელია და ამჟამად ის  აზერბაიჯანში საქართველოს საელჩოს შშს-ს ატაშეა.

საქართველოს საელჩოს აზერბაიჯანში არ ჰქონდა ინფორმაცია იმის შესახებ, რომ მათი თანამშრომელი მარნეულის მერობის კანდიდატად დაასახელეს.

თეიმურაზ აბასოვი ახლა აზერბაიჯანში იმყოფება.

შსს-ს პრესსამსახური ამდროისთვის თეიმურაზ აბასოვის ინფორმაციის ძიებაშია, რომელსაც მოწოდებისთანავე გაგაცნობთ.

როგორც ცნობილი გახდა, ამირან გიორგაძე მარნეულის მერობის კანდიდატურიდან მოიხსნა. “ქართული ოცნების” პრეს-სამსახურში დაგვიდასტურეს, რომ გიორგძის კანდიდატურა მოხსნილია  და ის მარნეულის საკრებულოს თავმჯდომარის კანდიდატად სახელდება.

ამ ცვლილების შესახებ ამირან გიორგაძემ ინფორმაცია რადიო” მარნეულის” მეშვეობით შეიტყო.

ამირან გიორგაძის კანდიდატურის ოფიციალური წარდგენა არ მომხდარა, თუმცა ის აქტიურად ჩაერთო წინასაარჩევნო კამპანიაში, როგორც მერობის კანდიდატი.

მისი წინასაარჩენო ბილბორდები ქალაქის ცენტრში ამ დრომდე რჩება.

რადიო “მარნეული”