Təhsil Nazirliyinin Daxili Audit Xidməti, bu dəfə, ilk eksperimental məktəbdə şagirdlər tərəfindən sinif otağının təmiri üçün məbləğin toplanması haqqında məlumatı araşdıracaq. Bu haqda “İnterpressnews”-a Elm və Təhsil Nazirliyindən bildiriblər.

Nazirlikdən izah edirlər ki, bu növ məsələlərə görə siniflərdə pul toplamaq qəti şəkildə yolverilməzdir və Təhsil Nazirliyi hər dəfə buna reaksiya göstərəcək. Bundan dolayı, onların sözlərinə görə, şagirdlər tərəfindən məktəblərdə məbləğin toplanması faktını daxili audit xidməti araşdıracaq.

İlk eksperimental məktəbin şagirdlərindən birinin valideyninin dediyinə görə, şagirdlər sinif otaqlarının təmiri üçün pul toplamağa məcburdurlar. İlk eksperimental məktəbin valideynlərindən birinin “İnterpressnews”-a verdiyi məlumata əsasən, yeni tədris ilinin başlamasından sonra sinif rəhbəri onlardan ümumilikdə 250 lari gətirməyi tələb edib.

Valideynin bildirdiyinə görə, məbləği toplayıblar, ancaq sonradan məlum oldu ki, məktəbdə başqa sinif otaqlarının təmiri üçün pulu şagirdlər toplamayıb və siniflər dövlət dəstəyi ilə təmir olunub.

İlk ekspermental məktəbdə məbləğin toplanması faktını istisna edirlər. Direktorun birinci müavini Keti Mikanadze “İnterpressnews”-a bildirib ki, məktəbdə məbləğin toplanması hər bir ehtiyac üçün qadağandır və oxşar hallar olmur.