მარნეულელებს სამი წელია თვითმმართველობის ბიუჯეტის დაგეგმვა შეუძლიათ. ადგილობრივები საკუთარ მოთხოვნებს პროექტად აქცევენ და ცდილობენ სოფლის საჭიროებები ამ ფორმით დააკმაყოფილონ. მოსახლეობა „სამოქალაქო ბიუჯეტის“ ფარგლებში 2018 წლის ბიუჯეტიდანაც მიიღებს დაფინანსებას. როგორც საზოგადოებასთან ურთიერთობისა და ინფორმაციის განყოფილების უფროსი მარიამ ხაჩიძე აღნიშნავს მომავალი წლის ბიუჯეტის დაგეგმვისთვის ადგილობრივებისგან 109 განაცხადია შესული.

2018 წლის „სამოქალაქო ბიუჯეტის“ დაგეგმვის და 2019, 2020 და 2021 წლის პრიორიტეტების განსაზღვრის მიზნით 2017 წლის 15 სექტემებრს ამოიწურა განაცხადების მიღება. მომავალი წლის „სამოქალაქო ბიუჯეტისთვის“ კონკრეტული თანხა არ გამოყოფილა, წინა წლებშიკი ეს თანხა მილიონ 500 ათას ლარით იყო განსაზღვრული.