Marneuli sakinlərinin üç ildir ki, yerli özünüidarənin büdcəsini planlaşdırmaq imkanları var. Yerli sakinlər öz tələblərini layihə şəklində yazırlar və kəndin ehtiyaclarını bu formada qarşılamağa çalışırlar. Əhali “Vətəndaş büdcəsi” çərçivəsində 2018-ci il büdcəsindən də maliyyə alacaq.

İctimaiyyətlə Əlaqələr və İnformasiya şöbəsinin rəhbəri Mariam Xaçidze bildirdi ki, gələn ilin büdcəsinin planlaşdırılması üçün yerli sakinlər tərəfindən 109 ərizə daxil olub.

2018-ci ilin Vətəndaş Büdcəsinin planlaşdırılması və 2019, 2020 və 2021-ci illərin prioritetlərin müəyyən olunması məqsədilə ərizələrin qəbul olunmasına 2017-ci il sentyabrın 15-də yekun vurulub. Gələn ilin Vətəndaş Büdcəsi üçün konkret məbləğ ayırılmayıb, əvvəlki illərdə isə bu məəbləğ 1 milyon 500 min lari həcmində müəyyən olunmuşdu.

“Marneuli” Radiosu