ჰაგიგა მუსაევა 45 წელია მასწავლებელია. ყოველ დილით სახლიდან სკოლამდე ერთიდაიმავე გზას გადის. 70 წლის პედაგოგი მარნეულის ნომერ მესამე საჯარო სკოლაში ქიმიას ასწავლის. მას ამ სკოლასთან ორი განსხვავებული ემოცია აკავშირებს. სკოლის კედლებს მისი მოსწავლეობა და მასწავლებლობა ერთდროულად ახსოვს. ასაკი ხელს არ უშლის, ისეთივე მოტივაციით ასწავლოს, როგორც პირველ დღეს.  თუმცა, ისიც აქვს გაცნობიერებული, რომ შესაძლოა მისი ცხოვრების ეს ეტაპი მალე დასრულდეს.

5 ოქტომბერს მსოფლიოს 100-ზე მეტ ქვეყანაში მასწავლებელთა საერთაშორისო დღეს აღნიშნავენ. მასწავლებელთა საერთაშორისო დღის აღნიშვნა სათავეს 1994 წლის 5 ოქტომბრიდან იღებს.