Leyla Məmmədova ilk Marneulili qadındır ki, merlik uğrunda mübarizəyə qərar verib. O, “Quruculuq Hərəkatı” partiyasından Marneuli merliyinə namizəd olaraq 22 sentyabrda təqdim olunub. Ondan sonra o, aktiv şəkildə seçkiqabağı dövrə qoşuldu və kənd əhalisi ilə görüşməyə başladı. Qadınların problem və ehtiyacları ilər tanış oldu. O, yerli özünüidarəetmə seçkilərində 0,4% səs toplayıb. O, siyasətə getməyə seçkilərdən bir neçə həftə əvvəl qərar verib. İndi isə yenə köhnə işinə qayıtmağa hazırlaşır və aktiv olaraq qeyri-hökumət təşkilatında çalışacaq.

“Mən düşünürəm ki, öz ictmai işimi ilk öncə davam etdirəcəm. İctmai işimdə illərdi boyunca çalışmışam və düşünürəm ki, bu heçdə siyasi işdən geri deyil. Eyni zamanda təbbi ki, mən düşünürəm siyasətədə bu günki günü o qədər problemli məqamlar var ki, hansınıki mən vətəndaş kimi fərqli görmək istəyərdim. Düşünürəm ki, yeri gəldikdə işimi yenə davam etdirəcəm”.

Leyla Məmmədova deyir ki, onun çox layihələri var və onları QHT çərçivəsində həyata keçirməyə hazırlaşır.

“Marneuli” Radiosu