მარნეულში ახალი სასწრაფო სამედიცინო დახმარების ცენტრის მშენებლობა უახლოეს მომავალში დაიწყება. სასწრაფო სამედიცინო ცენტრი პროექტის მიხედვით 1 სართულიანი შენობა იქნება, რომელიც მაღალაშვილის სახელობის ხიდის მიმდებარე ტერიტორიაზე აშენდება. მარნეულის მუნიციპალიტეტის პიარისა და ინფორმაციის განყოფილების უფროსი მარიამ ხაჩიძე, სასწრაფო სამედიცინო ცენტრის მშენებლობის მიზნების შესახებ გვესაუბრა.

ასევე პიარისა და ინფორმაციის განყოფილების უროსის თქმით, ცენტრის მშენებლობისათვის 152 000 ლარია გამოყოფილი. თანხის 95%-ს სახელმწიფო ბიუჯეტი აფინანსებს, ხოლო 5%-ს ადგილობრივი თვითმმართველობა. სასწრაფო სამედიცინო ცენტრის მშენებლობა პროექტის მიხედვით 2018 წლის იანვარში დასრულდება.

რადიო „მარნეული“