მიწის რეგისტრაციის პრობლემა მარნეულის მუნიციპლიტეტის მოსახლეობას წლებია აწუხებს. ადგილობრივები საუბრობენ, რომ  სასოფლო სამეურნეო მიწის საკუთრებაში დაკანონებას ვერ ახერხებენ. ნინო მაჭარაშვილი მარნეულში ცხოვრობს , უკვე წლებია სასოფლო-სამეურნეო მიწის ნაკვეთზე საკუთრების მოპოვება უნდა და ვერ ახერხებს.

ამ თემაზე საჯარო რეესტრის ეროვნული სააგენტოს თავმჯდომარეს, პაპუნა უგრეხელიძეს ვესაუბრეთ. მისი თქმით, მიწის რეგისტრაციის რეფორმა, რომელიც მოსახლეობისთვის საკუთრების უფლების მოპოვებას გულისხმობს 2016 წლის 1 აგვისტოს დაიწყო და დღემდე გრძელდება.

მარნეულის მუნციპალიტეტში მიწის ნაკვეთების 2,6%-ია უკვე დარეგისტრირებული, რაც 8414 მიწის ნაკვეთს გულისხმობს. მიუხედავად რეფორმისა, ნინო მაჭარაშვილი დღემდე ვერ ახერხებს მიწის დაკანონებას.