მარნეულის მუნიციპალიტეტში მოსახლეობის უმრავლესობას ეთნიკური უმცირესობა წარმოადგენს. მცხოვრები ეთნიკური აზერბაიჯანალების დიდმა ნაწილმა ქართული ენა არ იცის. ეროვნულ-დემოკრატიული ინსტიტუტის მიერ ჩატარებული კვლევების თანახმად კი ეთნიკური უმცირესობებით დასახლებულ რეგიონებში მცხოვრებთა უმრავლესობა ქართულ ტელეგადაცემებს არ უყურებს.

მედიის განვითარების ფონდის დირქტორის თამარ კინწურაშვილის თქმით, მთავარი გამოწვევა ენობრივი ბარიერია, სწორედ ამიტომ საზოგადოებრივი მაუწყებელის როლი ინფორმაციული ვაკუუმის დროს არის გადამწყვეტი.

„ენის ბარიერი რჩება მთავრ გამოწვევად. ტელევიზიას, რომელსაც კანონმა განუსაზღვრა შინაარსობრივი ვალდებულება უზრუნველყოს უმცირესობებისთვის გასაგებ ენაზე მაუწყებლობა, ეს არის ის არხი, რომელიც გადასახადის გადამხდელებისგან ფინანსდება და ძალიან მნიშვნელოვანია, რომ მან თავისი ვალდებულება შეასრულოს“ – თამარ კინწურაშვილი