განახლებული მთავრობის პირველ სხდომაზე გიორგი კვირიკაშვილმა განაცხადა, რომ საქართველოს მასშტაბით მოგზაურობასა და მოსახლეობასთან სპონტანურად საუბარს აპირებს:

“ეს არ იქნება დაგეგმილი შეხვედრები, ეს იქნება სპონტანური, ჩვეულებრივი დიალოგი ადამიანებთან, რომლებიც არ იქნებიან ორგანიზებულად მოყვანილნი ამისთვის, არამედ ეს იქნება ღია, ძალიან გულწრფელი საუბარი პრობლემებზე, მოგვარების გზებზე, მათი წინადადებებისა და პრობლემების მოსმენა”.

პრემიერმა კიდევ ერთხელ აღნიშნა, რომ 2018 წელი დიალოგის წლად გამოაცხადა და მინისტრებს ხალხთან დიალოგისკენ მოუწოდა.

წყარო:On.ge