ახალი წლის ღამეს, მარნეულის „ჯეო ჰოსპიტალსის“ კლინიკაში ორი პაციენტი შეიყვანეს. ორივე მათგანს პიროტექნიკით ხელის მტევნის დაზიანება აღეიშნებოდათ.

16 წლის ბიჭი და შუახნის კაცი საახალწლო ასაფეთქებლის გაუფრთხილებლობით გამოყენების გამო დაშავდა. როგორც „ჯეო ჰოსპიტალსის“ საზოგადოებასთან ურთიერთობის სამსახურმა რადიო „მარნეულს“ განუცხადა ერთ-ერთი დაშავებულისათვის თითის ამპუტაცია გახდა საჭირო.

 რადიო „მარნეულის“ ეთერში, 27 დეკემბერს გავიდა სიუჟეტი სადაც პიროტექნიკის ხარისხისა და შემოწმების შესახებ ვსაუბრობდით. სიუჟეტში სტრატეგიული კვლევებისა და განვითარების ცენტრის პროგრამის კოორდინატორმა ვახტანგ კობალაძემ თქვა, რომ საქართველოში  პიროტექნისკის ხარისხი არ კონტროლდება და არც ასაკობრივი შეზღუდვაა დაწესებული.

რადიო „მარნეული“