საქართველო Bloomberg-ის 2018 წლის საუკეთესო ტურისტულ ადგილებს შორის მოხვდა. როგორც გამოცემა წერს, თბილისი ისტორიის განმავლობაში დაახლოებით 29-ჯერ დაანგრიეს და ხელახლა აღადგინეს.

„გასაკვირი არ არის, რომ მისი მტკიცე სულისა და კრეატიული ენერგიის გამო, თბილისს სულ უფრო ხშირად ადარებენ ბერლინს“, – წერს Bloomberg-ი.

სტატიაში ნათქვამია, რომ საქართველოს კულტურაზე დიდი გავლენა მოახდინა, როგორც სპარსეთის იმპერიამ, ისე საბჭოთა კავშირმა. განსაკუთრებით არის ხაზგასმული ქართული სამზარეულო, რომელიც მრავალფეროვნებით გამოირჩევა.

Bloomberg-ი ყურადღებას ამახვილებს სასტუმროების ადგილობრივ ბრენდებზე.

გამოცემა ასევე წერს, რომ საქართველო ცნობილია ღვინის კულტურით.

„ღვინის კულტურის 8000-წლიანი ისტორია მხოლოდ ერთ-ერთია იმ მრავალ სიურპრიზს შორის, რომელიც ისეთ ტურ ოპერატორებს იზიდავს, როგორებიცაა Wild Frontiers-ი და Butterfield & Robinsoni-ი“, – წერს Bloomberg-ი.

სტატიის ავტორები ტურისტებს ურჩევენ, საქართველო გაზაფხულზე (აპრილი-ივნისი) ან შემოდგომაზე (სექტემბერი-ოქტომბერი) მოინახულონ.

წყარო: 1tv.ge