მარნეულში საჯარო ბიბლიოთეკა თითქმის ერთი წელია გაიხსნა. თუ რამდენი მკითხველი ესტუმრა ამ ხნის განმავლობაში ბიბლიოთეკას, ძირითადი მოთხოვნა რომელ ლიტერატურაზე იყო ამისათვის მარნეულის საჯარო ბიბლიოთეკის ბიბლიოთეკარს,  მაია მენთეშაშვილს ვესაუბრეთ , რომელმაც  აღნიშნა , რომ 2017 წელს ბიბლიოთეკაში 884 მკითხველი დარეგისტრირდა.

“ბიბლიოთეკის გარეთ სარგებლობისთვის გაცემული იყო 2767 წიგნი . დარბაზით ისარგებლა 790-მა , ხოლო ინტერნეტით 354-მა. გაცემული წიგნებიდან პროცენტულად პირველ ადგილზეა მხატვრული ლიტერატურა, ამის შემდეგ მოდის საზოგადოებრივ- პოლიტიკური ლიტერატურა, ისტორიული და საბუნებისმეტყველო.

ძირითადი შემადგენლობა მკითხველების, რომლებიც აქტიურად სარგებლობს   პირველ რიგში მოსწავლეები არიან შემდეგ მოდის სტუდენტები, საშუალო ასაკის ადამიანები და 80 წელს გადაცილებული მკითხველები , რომლებიც აქტიურად სარგებლობენ ბიბლიოთეკით”- განაცხადა მაია მენთეშაშვილმა

როგორც მაია მენთეშაშვილმა თქვა, სამომავლოდ სიახლეები აქვთ. ბიბლიოთეკა აპირებს თავისი ფონდის განახლებას, რომელიც მკითხველთა მოთხოვნების შესაბამისად  დაკომპლექტდება.