2017 წელს საქართველოში ტურისტების რაოდენობა რეკორდულად გაიზარდა ჩვენ სხვა მნიშვნელოვან დეტალებს სიუჯეტიდან შეიტყობტ

2017 წელს საქართველოს 7,554,936 საერთაშორისო მოგზაური ეწვია, რაც 1,194,433-ით მეტია წინა წლის ანალოგიურ პერიოდთან შედარებით და ფიქსირდება +18.8% ზრდა , – ამის შესახებ ტურიზმის ეროვნული ადმინისტრაციის ხელმძღვანელმა გიორგი ჩოგოვაძემ გასული წლის მონაცემების შეჯამებისას განაცხადა.

როგორც გიორგი ჩოგოვაძემ განაცხადა, 2018 წელს ძირითადი მოლოდინია 8 მილიონზე მეტი საერთაშორისო მოგზაური და 3 მილიარდ დოლარზე მეტი შემოსავალი ტურიზმიდან.  წერს “ბინესპრესნიუსი”

ჩვენ მარნეულის მაგალითზე დავინტერესდით მოგზაურობენ თუ არა ადგილობრივები უცხო ქვეყნებში, ამისთვის გამოკითხვა ჩავატარეთ. მართალია, გამოკითხულთა უმრავლესობამ აღნიშნა, რომ არსად უმოგზაურიათ, თუმცა საომამავლოდ ქალაქები შერჩეუილი აქვთ

მარნეულში სულ რამდენიმე კომპანიაა, რომლებიც მგზავრებს სხვადასხვა  სამოგზაურო პირობებით უზრუნველყოფს. ჩვენ  „Travel 360“-ის ტუროპერატორს მარეხი მუმლაძეს ვესაუბრეთ, რომელმაც აღნიშნა, რომ მართალია , თავიანთი კომპანიის მარნეულის ფილიალი ერთი წელი არ არის რაც გაიხსნა, მიუხედავად ამისა მსურველებს არ უჩივიან, როგორც თავად ამბობს, თვეში დაახლოებით  4 ადგილობრივი მიდის სამოგზაუროდ.  ქვეყნის სურვილის მიხედვით პირველ ადგილზე იტალიაა.

მუმლაძეს თქმით , მოგზაურების მსურველების ასაკობრივი კატეგორია  ძირითადად 20 წლიდან 40 წლამდეა.

რადიო “მარნეული”