28 dekabr tarixində Tiflis yaxınlığında yerləşən, azərbaycanlıların kompakt yaşadığı Soğanlıq kəndində qətl hadisəsi baş verib.
Soğanlıq (Poniçala) kənd sakini, 1992-ci il təvəllüdlü Fikrət Əhmədov bıçaqlanaraq öldürülüb.
Qafqaz Müsəlmanları İdarəsinin Gürcüstan nümayəndəliyinin müftisi Ayvaz Mərdanovun verdiyi məlumata görə, hadisəyə səbəb öldürülən gəncin Gürcüstan televiziyasına müsahibə verməsi olub. Qətli həmkəndlisi olan Ramin İsayev tərəfindən törədilib. R. İsayev hadisəni törədəndən sonra qaçıb. Faktla bağlı cinayət işi başlanıb, araşdırma aparılır. Mərhum 2 yanvar tarixində torpağa tapşırılıb.

Mənbə: az.apa.az