22 იანვარს,  დაახლოებით 19:00 საათზე  კუმისთან ავტოსაგზაო შემთხვევა მოხდა, როგორც შინაგან საქმეთა სამინისტროში რადიო “მარნეულს” განუცხადეს ავტოსაგზაო შემთხვევაში 3 ავტომობილი ფიგურირებდა.

თვითმხილველების თქმით ერთ-ერთი სამარშუტო ტაქსი იყო , რომელსაც   7 მგზავრი გადაჰყავდა. ისინი მსუბუქად დაშავდნენ და მათ ჯანმრთელობას საფრთხე არ ემუქრება.

გავრცელდა ინფორმაცია, რომ ავტომობილი, რომელსაც 7 მგზავრი გადაჰყავდა  მარნეულის სამარშუტო ტაქსებს ეკუთვნოდა, თუმცა, როგორც რადიო „მარნეულმა“ გაარკვია ავტომობილი მარნეულის სამარშუტო ტაქსებს არ ეკუთვნის.

შინაგან საქმეთა სამინისტროს ცნობით,  გამოძიება  საქართველოს  სისხლის სამართლის კოდექსის  276-ე მუხლის პირველი ნაწილით მიმდინარეობს, რაც   ტრანსპორტის მოძრაობის უსაფრთხოების ან ექსპლუატაციის წესის დარღვევას გულისხმობს.

რადიო „მარნეული“