Yol baryerlərinin yoxa çıxması haqqında Nəqliyyat Yol Departamentinin məlumatı yoxdur
2015-ci ildə Tsereteli-Mirzoevka-Böyük Muğanlı-Kosalı magistral yolu yenidən qurularaq əhalinin istifadəsinə verilmişdir. Yeddi kəndi birləşdirən bu yoldan gün ərzində kənd sakinləri, beynəlxalq yük daşıma və xarici ölkədən gələn nəqliyyat vasitələri istifadə edirlər. Buna görə də yolun baxımlı olması önəmlidir.
Yolun yenidən qurulmasından sonra isə yol boyu yol nişanları və su kanlının keçdiyi ərazilərdə isə qoruyucu baryerlər qurlaşdırılmışdı. 2017-ci ildə isə həmin qoruyucu baryerlər və dirəklər sökülərək oğurlanıb. Hadisə yolun 5 və 6 km-liyində kəndlərin əkin sahəsinin suvarılması üçün su kanalı keçən ərazidə qeydə alınmışdır. Məhz bu magistral yol Marneuli ilə yeddi kəndi birləşdirən yeganə əsas yoldu.
Xatırladaq ki, magistral yolun yenidən qurulmasına 2015-ci ildə dövlət büdcəsindən 7 milyon 750 min lari ayrılıb.
Biz məsələyə aydınlıq gətirmək üçün “Marneuli” radiosu olaraq Nəqliyyat Yol Departamentinə məlumat verdik. İctimaiyyətlə əlaqələr şöbəsinin nümayəndəsi məlumatı yerli nəzarət xidmətinə çatdırdı. Əgər nəzarət xidməti məlumatı təsdiqləsə, patrul xidmətinə məlumat veriləcək, departament isə bərpa işlərinə yaxın gələcəkdə başlayacaq.
“Marneuli” Radiosu
Amil Məmmədov2286 Posts
0 Comments