დღეს მარნეულის მერიაში საკრებულოს მორიგი სხდომა ჩატარდა. საკრებულოს თავმჯდომარე ამირან გიორგაძემ დღისწესრიგით გათვალისწინებული 12 საკითხი წარადგინა, რასაც დეპუტატებმა ერთხმად დაუჭირეს მხარი.

შეხვედრაზე ძირითადად წერილები განიხილეს. ერთ-ერთი საკითხი კი 2018 წლის ბიუჯეტში შეტანილ ცვლილებას ეხებოდა, რაც ითვალისწინებს მარნეულში არსებულ დაავადებათა კონტროლისა და საზოგადოებრივი ჯანდაცვის ცენტრისთვის წლიურად  11 500 ლარის გამოყოფას. როგორც მარნეულის მერიის საფინანსო-საბიუჯეტო სამსახურის უფროსმა  ვუგარ მამედოვმა თქვა, აღნიშნული  ჯანდაცვის ცენტრი მარნეულში კერძო ობიექტში მდებარეობს. აქამდე იჯარის თანხას არ იხდიდნენ, თუმცა ახლმა მეპატრონემ თანხის გადახდა მოითხოვა და მერია ყოველთვიურად  1 150 ლარს გადაიხდის.

გადაწყვეტილებაზე თანხმობა დეპუტატებმა ხელის აწევით დააფიქსირეს.

რადიო „მარნეული“