გიორგი მარგველაშვილი – საქართველოს დამოუკიდებლობის 100 წლისთავის აღნიშვნა დიასპორის აქტიური ჩართულობით უნდა მოხდეს

margvelasi

საქართველოს პრეზიდენტმა გიორგი მარგველაშვილმა ვაშინგტონში, საქართველოს საელჩოში მიღება გამართა და აშშ-ში საქართველოს ელჩთან დავით ბაქრაძესთან ერთად, ქართულ დიასპორას უმასპინძლა.

საქართველოს პრეზიდენტმა დიასპორასთან აშშ-ში ვიზიტის მნიშვნელობასა და საქართველოს დამოუკიდებლობის 100 წლისთავთან დაკავშირებით ისაუბრა.

გიორგი მარგველაშვილის განცხადებით, წელს მნიშვნელოვანი თარიღია საქართველოს ისტორიაში – 100 წელი უსრულდება პირველ ქართულ რესპუბლიკას და ჩვენ გვაქვს სურვილი შევაჯამოთ განვლილი 100 წელი, შევაფასოთ ის საქართველოს მოსახლეობასთან და ემიგრანტებთან ერთად და დიდი სურვილი გვაქვს, რომ ამ თარიღის აღნიშვნაში აქტიურად ჩაერთონ ისინი.

პრეზიდენტის თქმით, მისი ინიციატივით საქართველოში საიუბილეო თარიღთან დაკავშირებით მიმდინარეობს აქტიური კამპანია “დამოუკიდებლობიდან თავისუფლებისაკენ”, რომელიც სწორედ 100 წლიანი პერიოდის გააზრებას და გაცნობიერებას შეუწყობს ხელს.

„წელს აშშ-ში ჩემი ვიზიტის მიზანი მხარდაჭერისა და ინტენსიური დიალოგის გაძლიერებაა იმ სახელმწიფოსთან, რომელიც არა მხოლოდ საკუთარი, არამედ სხვა ერების თავისუფლების აღიარებით გახდა ასეთი ძლიერი”, – აღნიშნა გიორგი მარგველაშვილმა და აქტიური და წარმატებული საქმიანობისათვის საქართველოს ელჩს აშშ-ში დავით ბაქრაძეს მადლობა გადაუხადა.

გიორგი მარგველაშვილმა განსაკუთრებით აღნიშნა იმ ქართველების მისია, რომლებიც ცოდნას იღებენ ამერიკაში, რათა საკუთარი ცოდნა და შესაძლებლობები თავისი ქვეყნის განვითარებას მოახმარონ.

ინფორმაციას საქართველოს პრეზიდენტის ადმინისტრაციის პრესსამსახური ავრცელებს.

წყარო: 1tv.ge

 

0 Comments

Login

Welcome! Login in to your account

Remember me Lost your password?

Don't have account. Register

Lost Password

Register