შეცდომით დაწერილი და უცხოენოვანი აბრები მარნეულის ქუჩებში
მარნეულის ცენტრალურ ქჩაზე მრავლადაა სხვადასხვა დაწესებულებები, ტექნიკისა და საყოფაცხოვრებო ნივთების მაღაზიები, სილამაზის სალონები, კვების ობიექტები. ყველა მათგანს სხვადასხვა აბრა აქვს გამოკრული მყიდველისა თუ კლიენტის მოსაზიდად, მაგრამ არის შემთხვევები, როდესაც ამ აბრებზე წარწერები ქართულ ენაზე არ გვხვდება ან გვხვდება, მაგრამ არასწორადაა დაწერილი.
მაგალითისათვის რომ ავიღოთ, ცენტრალურ რუსთაველის ქუჩაზე მდებარეობს ტექნიკის მაღაზია, სადაც აბრაზე ქართულ ენაზე გვხვდება წარწერა „გალახსი“, „გალაქსის“ ნაცვლად.
ასეთი შემთხვევები მარენულის ქუჩებში მრავლადაა.
რეკლამის შესახებ საქართველოს კანონის მეოთხე მუხლის მე-2 პუნქტის მიხედვით საქართველოს მთელ ტერიტორიაზე აბრაზე წარწერა შესრულებული უნდა იყოს ქართულ ენაზე, ხოლო სურვილის შემთხვევაში იგი შეიძლება შესრულდეს აგრეთვე უცხოურ ენაზე. უცხოურენოვანი წარწერა ზომით არ უნდა აღემატებოდეს სახელმწიფო ენაზე შესრულებულ წარწერას.
მარნეულის მუნიციპალიტეტის საკრებულომ 12 მარტს ჩატარებულ სამუშაო შეხვედრაზე აბრებისა და გარე რეკლამების შესახებ იმსჯელეს. მარენულის მუნიციპალიტეტის საკრებულოს აპარატის უფროსის ნინო ბერიძის განცხადებით, სამუშაო შეხვედრა ამ საკითხთან დაკავშირებით მომდევნო ორშაბათსაც გაიმართება, რომელსაც ზედამხედველობის სამსახურის წარმომადგენლებიც დაესწერებიან და ისინი ერთად განიხილავენ გარე ვაჭრობისა და აბრებთან დაკავშირებულ თემებს.
რადიო “მარნეული”
Vladimer Chkhitunidze874 Posts
You may also like
0 Comments