აღმოსავლეთ და დასავლეთ საქართველოს უმეტეს რაიონში ნალექიანი ამინდი ხვალაც შენარჩუნდება.
   გარემოს ეროვნული სააგენტოს მონიტორინგისა და პროგნოზირების ცენტრის მოკლევადიანი პროგნოზების სამმართველოს ხელმძღვანელმა დოდო გვაზავამ განუცხადა, ხვალ და ზეგ ჰაერის მაქსიმალური ტემპერატურა დაბლობსა და ბარში 7 გრადუსამდე გათბება. მთაში და მაღალმთიან რაიონებში ყინვა გაძლიერდება.
9-10-11 თებერვალს საქართველოს უმეტეს რაიონში უნალექო ამინდია მოსალოდნელი.
დასავლეთ საქართველოს დაბლობში ჰაერის ტემპერატურა 16 გრადუსამდე გათბება, აღმოსავლეთ საქართველოში სინოპტიკოსები ჰაერის ტემპერატურის მკვეთრად მატებას არ ელოდებიან.
აღნიშნულ დღეებში აღმოსავლეთ საქართველოში ჰაერი 9 გრადუსამდე გათბება.