მარნეულის „კულტურის ცენტრთან” არსებული  ქართული ხალხური ცეკვის ქორეოგრაფიული ანსამბლი “ენგური” – ესპანეთში საერთაშორისო ფესტივალის გამარჯვებული გახდა. ანსამბლმა  “FOLK FESTIVAL IN CATALONIA” -ის ფესტივალზე გრანპრი მოიპოვა.

მარნეულის”კულტურის ცენტრის” დირექტორ ნატო შავიშვილთან , ანსამბლ “ენგურის” ხელმძღვანელ ლევან ყურავსა და მოცეკვავე დამლა მამედოვასთან ერთად ჩვენ სწორედ “FOLK FESTIVAL IN CATALONIA”  ფესტივალზე მოპოვებული გრანპრის შესახებ ვსაუბრობთ გადაცემაში “პოლიფონია”.

ქართული კულტურა უცხოეთში ,,ენგურის” ქართველმა და აზერბაიჯანელმა მოცეკვავეებმა წარადგინეს. საერთაშორისო კულტურის  ფესტივალი “FOLK FESTIVAL IN CATALONIA” -ს ემსახურება ტრადიციების შენარჩუნება-პოპულარიზაციას, სხვადასხვა ეთნოსთა კულტურის გაძლიერებასა და საერთაშორისო ურთიერთობების მხარდაჭერას.