Gürcüstanın Dmanisi rayonundandan maraqlı xəbər

12767491_1109423439109025_496440449_n

Gürcüstanın Azərbaycan Hüquqşünaslar Assosiasiyası (GAHA) Gürcüstanda azərbaycanlıların yığcam yaşadıqları Dmanisi rayonundakı məktəblilər arasında olimpiada keçirib.

Məktəblilər “Vətəndaş təhsili” fənni üzrə sualları cavablandırıblar. Azərbaycanlı şagirdlər əsasən hüquq, vətəndaş cəmiyyətinin mahiyyəti, inteqrasiya mövzusunda sualları cavablandırıblar.

GAHA-nın təşəbbüsü və Dmanisi rayon 2 saylı məktəbin təşkilatçılığı ilə keçirilən olimpiadada 10 nəfər qalib olub. Onlara GAHA-nın sertifikatları təqdim edilib. Olimpiadanın qalibi adına rayonun Yaqublu kənd orta məktəbinin şagirdi Günel Yusifova layiq görülüb.

GAHA-nın təsisçisi, layihənin rəhbəri Əli Bədirov bildirib ki, məqsəd Gürcüstanda yaşayan soydaşlarımızın, xüsusən də yeniyetmə və gənclərin hüquq, vətəndaş hüququ, vətəndaş cəmiyyəti, ailə və digər məsələlər barədə biliklərini artırmaqdır: “Bu gün Gürcüstanda yaşayan gənclərin əksəriyyəti gürcü dilini və öz hüquqlarını bilmirlər. Olimpiada vasitəsi ilə yeniyetmələr arasında vətəndaş bərabərliyi prinsiplərini daha geniş təbliğ etmək, onların hüquq elminə marağını artırmaqdır istəyirik”.

Olimpiadanın təşkilatçılarından biri, GAHA-nın nümayəndəsi Sərdar Nəbiyev deyib ki, bu cür olimpiadalar azərbaycanlıların yığcam yaşadıqları digər rayonlarda da keçiriləcək. Sonuncu mərhələdə isə məktəblilərin rayonlararası olimpiadası nəzərdə tutulub.

Olimpiada Tbilisidəki Azərbaycan dilli məktəblərdə keçiriləcək.
Mənbə:Sonxəbər.az

 

0 Comments

Login

Welcome! Login in to your account

Remember me Lost your password?

Don't have account. Register

Lost Password

Register