Elm və Təhsil naziri Tamar Sanikidze məktəb binasını nəzərdən keçirib və pedaqoqları yeni məktəbin fəaliyyəti münasibəti ilə təbrik edib.

Etnik azlıqların kompakt yaşadığı Yormuğanlı kənd məktəbində 1200-dən çox şagird təhsil alır və onlar uzun illər ərzində ailələrdə təşkil olunmuş, standartlara və tədris prosesinə uyğun olmayan sinif otaqlarında təhsil alırmışlar. Bir neçə kiraəylənmiş binalar isə bir-birindən kilometrlərlə aralıda yerləşirmiş. Yeni məktəb binasında isə xüsusi tədris  ehtiyacı olan şagirdlər üçün də şərait yaradılıb, məktəb yeni ləvazimatlarla təchiz olunub, müasir istilik sistemi, kitabxana, kompüter otaq-kabinetləri var. Təhsil naziri şagirdlərə vəd verib ki, yeni tədris ilində onların müasir standartlara cavab verən idman zalları da olacaq. Yormuğanlı ictimai məktəbində iki bölmə fəaliyyət göstərir – gürcü və azərbaycan. azərbaycanlı şagirdlərin bir hissəsi gürcü bölməsində təhsil almağı seçirlər. Onlar öz ana dilləri ilə yanaşı dövlət dilini də öyrənirlər.