1 iyul tarixindən təqaüdlə bağlı dəyişikliklər qüvvəyə minib. Səhiyyə naziri Davit Sergeenko bu dəyişikliklər haqda danışıb. O, qeyd edib ki, təqaüdlərin artması prosesi bir neçə istiqaməti əhatə edir.

“1 iyul tarixindən fiziki imkanları məhdud olan şəxslərin – kəskin kateqoriyada olanların və uşaqların təqaüdü artacaq. 18 yaşa qədər uşaqlarda kateqoriya yoxdur və onların təqaüdü yaşlıların təqaüdü kimi 180 lari olacaq. Bu dəyişikliklər ümumilikdə 35 minə qədər adama aiddir. Təqaüdçülərin təqüdü isə 20 lari dəyərində artacaq, yəni təqaüd 180 lari olacaq. Müqayisə etsək göstərici bazasında 2012- ci ildə 680 000, bu il isə 713 000 təqaüdçü qeydiyyat olunub” – deyə Davit Sergeenko bildirib.