Heydər Əliyev adına Tiflis Dövlət Peşəkar Azərbaycan Dram Teatrı yeni mövsümü “Darispanın əziyyəti” premyerası ilə açacaq. Teatr binanın qəza vəziyyətində olmasına və texniki baxımdan təchiz olunmuş səhnənin və tamaşaçı zalının olmamasına görə,  tamaşaçıları faktiki ünvanında qəbul edə bilməyəcək. Tamaşa Kaxa Bakuradze adına teatrda baş tutacaq.

Rollarda teatrın gənc truppası, tanınmış gürcü aktrisası Laura Rexviaşvili və türk aktyoru Necati Zenginlə birgə çıxış edəcəklər.

Premyera 1-2-3 noyabr tarixlərində saat 19:00-da baş tutacaq.

Biletin qiyməti 15 larini təşkil edəcək (Tələbələr üçün 10 lari).